Malakanyang at iba pang ahensya ng gobyerno, pinalilipat sa Mindanao
Inirekumenda ni Kabayan Party List Rep. Harry Roque na ilipat na lamang ang Malakanyang sa Mindanao o seat of power ng pamahalaan, kaysa sa isulong ang federal system of government.
Sinabi ni Roque na maaaring sa Maguindanao ilagay ang seat of power, lalo’t naroroon ng tensyon o labanan.
Katwiran pa ni Roque, kung maililipat ang Malakanyang sa Mindanao ay magsisilbing pambawi ito sa injustice na naranasan ng rehiyon sa mahabang panahon.
Pero para kay Ako Bicol Party List Rep. Rodel Batocabe, bukod sa paglipat sa Palasyo sa Mindanao, marapat na ilipat na rin ang iba pang ahensya ng gobyerno na nasa Metro Manila.
Ayon kay Batocabe, isa sa mga dapat ipwesto na sa Mindanao ay ang Department of Agriculture at Department of Environment and Natural Resources.
Sa ganitong paraan, ani Batocabe, hindi limitado ang resources ng gobyerno at mapapabilis ang pagbibigay ng serbisyo lalo na sa mga taga-lalawigan.
Nauna nang naghain si Batocabe ng resolusyon para sa paglilipat ng government agencies upang madegongest ang Kalakhang Maynila, bago pa man ang pagpapalit ng sistema ng pamahalaan sa Pederalismo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.