Sa gagawing imbestigasyon sa mga kapwa heneral, PNP Dela Rosa: ‘ Trabaho lang’
Wala umanong magagawa si PNP Chief Ronald Bato dela Rosa sa kanyang mga upper classmen na pinangalanan ni Pangulong Rodrigo Duterte na sangkot sa illegal drugs.
Sa panayam kay dela Rosa, iginiit nito na masakit man ay wala syang magagawa kundi gawin ang kanyang trabaho.
Ani dela Rosa, bunsod na rin ng iniatas ni Pang Duterte, ipapatupad ang zero tolerance sa droga kahit sino pa ang sangkot.
Sa pagbubunyag ni Pang Duterte, epektibo July 1 ay nirelieved na sa kanilang pwesto ang tatlong active generals sa Philippine National Police na sangkot sa iligal na droga na sina dating NCRPO Chief Police Director Joel Pagdilao na miyembro ng PMA Class 1984, dating Quezon City Police Director CSupt. Edgardo Tinio na miyembro ng PMA class 1985 at dating Region 11 RD CSupt. Bernardo Diaz na miyembro ng PMA class 1984.
Tinukoy din ni Duterte sina retired Generals Marcelo Garbo at Vicente Luut na ngayon ay Mayor ng Bantayan Island sa Cebu.
Si Garbo ay number 2 man sa PNP nuong siya ay nagretiro sa serbisyo noong buwan ng Marso ay miyembro ng PMA Class 1981.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.