Catarman, Northern Samar nakadama ng 47 °C heat index

Labing-walong lugar sa bansa ang nakaranas ng “dangerous” heat index ngayon araw, ayon sa Philippine Atmospheric, Geophysical and Astronomical Services Administration (PAGASA).

Tinukoy ang Catarman, Northern Samar na nakapagrehistro ng pinakamataas na heat index 47 degrees Celsius.

Ang iba pang lugar na nakaranas ng delikadong alinsangan ay Dagupan City, Pangasinan (46°C); Aborlan, Palawan (44°C); Central Bicol State University of Agriculture (CBSUA) station, Pili, Camarines Sur (44°C); Roxas City, Capiz (43°C); Dumangas, Iloilo (43°C); Guiuan, Eastern Samar (43°C); Zamboanga City, Zamboanga del Sur (43°C); at Bacnotan, La Union (42°C).

Gayundin sa Aparri, Cagayan (42°C); Tuguegarao City, Cagayan (42°C); Iba, Zambales (42°C); Ambulong, Tanauan, Batangas (42°C); Coron, Palawan (42°C); Puerto Princesa City, Palawan (42°C); Virac, Catanduanes (42°C); Davao City, Davao del Sur (42°C); at Cotabato City, Maguindanao (42°C).