Piloto, trainee patay sa Navy training chopper crash sa Cavite
Kumpirmadong nasawi ang piloto at isa pa sa pagbagsak ng isang training helicopter ng Philippine Navy (PN) sa Cavite City.
Sinabi ni AFP spokesperson, Col. Francel Padilla ala-6:30 ngayong umaga nang maganap ang trahedya sa likod ng Cavite City Public Market.
Aniya isang Robinson R22 helicopter na ginagamit na training aircraft ng PN ang bumagsak ilang metro na lamang sa Naval Station Sangley Point.
Nahugot pa ang dalawang sakay ng naturang helicopter ngunit kapwa idineklarang dead on arrival sa ospital.
Nagsasagawa na ng emergency landing ang piloto nang bumagsak ang helicopter.
Nagsasagawa na ng imbestigasyon ang PN sa pangyayari.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.