“Danger level” na heat indices posible ngayon, bukas – PAGASA

Paghandaan, ayon sa Philippine Atmospheric, Geophysical and Astronomical Services Administration (PAGASA), ngayon araw hanggang bukas ang mataas na heat index.

Ngayon araw, dagdag pa ng PAGASA, maaring makaranas ang Dagupan City sa Pangasinan ng 44°C heat index, na nagsimulang mairehistro sa lungsod noon pang Lunes.

Samantala, 43°C naman sa  Puerto Princesa City at Aborlan kapwa sa Palawan province, at 42°C sa Bacnotan, La Union at Roxas City, Capiz.

Bukas, maaring makaranas ng  43°C heat index sa Bacnotan, La Union; Puerto Princesa City, Palawan; Aborlan, Palawan; at Roxas City, Capiz.

At 42°C heat index naman ang maaring mairehistro sa Aparri at Tuguegarao City, kapwa sa Cagayan; San Jose, Occidental Mindoro; Zamboanga City, Zamboanga del Sur; at Cotabato City.

Panay paalala ng PAGASA na ang heat index mula  42°C hanggang 51°C ay maaring magdulot na ng heat cramps ay heat exhaustion na maaring humantong sa heat stroke kung matagal na mabibilidad sa araw.