Eid’l Fitr sa Abril 10 idineklarang regular holiday ng Palasyo
Idineklara ni Pangulong Ferdinand “Bongbong” Marcos Jr., na regular holiday ang paggunita ng Eid’l Fitr o Feast of Ramadhan sa Abril 10, araw ng Miyerkules.
Base ito sa Proclamation No. 514 na pinirmahan ngayon araw at ito ay base sa rekomendasyon ng National Commission on Muslim Filipinos.
Nakasaad sa proklamasyon na ang hakbang ay upang bigyan pagkakataon ang sambayanan na makiisa sa mga Filipino Muslims na makiisa sa paggunita sa Eid’l Fitr.
Ginawa din ang proklamasyon upang maitanim sa kamalayan ng lahat ang kahalagahan sa kultura ng Feast of Ramadhan.
Ang Eid’l Fitr ang pagtatapos ng isang buwan na pag-aayuno ng mga Muslim.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.