Kasunduan sa NAIA rehabilitation pinirmahan sa Malakanyang
Nagsilbing saksi si Pangulong Ferdinand “Bongbong” Marcos Jr., sa pagpirma sa kasunduan sa Malakanyang para sa rehabilitasyon ng Ninoy Aquino International Airport (NAIA).
Ang Public-Private Partnership (PPP) agreement sa pagitan ng Department of Transportation (DOTr) and the New NAIA Infra Corp. (NNIC) ay nagkakahalaga ng P170.6 bilyon.
Kumpiyansa si Transportation Sec. Jaime Bautista na magbubukas ng maraming oportunidad para sa bansa ang proyekto sa usapin ng pamumuhunan, trabaho. turismo at negosyo.
“We welcome this development for the NAIA PPP Project as this will not only generate revenue for the government but it will also create opportunities for Filipinos. With a modernized NAIA, we are elevating the airport’s facilities and services to international standards,” ni Bautista.
Tiniyak naman ni San Miguel Corporation (SMC) president at chief executive officer Ramon Ang na sa bahagi ng NNIC hindi lamang rehabilitasyon ang kanilang gagawin sa NAIA kundi pagagandahin pa ito at iaangat ang mga kalidad ng serbisyo.
“Together with our partner, Incheon, we have assembled a team of experts, focused on implementing immediate improvement, and help us achieve our long-term goal for NAIA,” dagdag pa ni Ang.
“This undertaking is not just about revenues that will be remitted to treasury alone, but resources invested in the airport,” sabi naman ni Marcos.
Epektibo ang kasunduan ng 15 taon at may opsyon na palawigin ng 1o taon.
Bukod kina Bautista at Ang, pumirma din sa kasunduan si Manila International Airport Authority (MIAA) General Manager Eric Ines.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.