Patuloy ang paghina na ng nararamdamang malamig na panahon ngayon weekend, ayon sa Philippine Atmospheric, Geophysical and Astronomical Services Administration (PAGASA).
Maaring sa Lunes ay magsisimula naman ng maramdaman ang mainit na hanging silangan mula sa Dagat Pasipiko.
Sinabi ni PAGASA weather specialist Benison Estareja na patuloy na mananaig sa Hilagang Luzon ang amihan bukas hanggang sa araw ng Linggo.
Inaasahan na matatapos na ito pagpasok ng Semana Santa, na mas maaga kumpara noong nakaraang taon dahil sa nararanasang El Niño.
Ayon kay Estareja sa pagtatapos ng amihan ang pagpasok naman ng panahon na tag-init.
Samantala, sa susunod na 24 oras ay magiging maulap sa Batanes at Cagayan na may mahinang pag-ulan.
Mahinang ulan din ang maaring maranasan dahil sa amihan sa Ilocos Region, Cordillera Administrative Region, Bataan, Bulacan, Nueva Ecija, Pampanga, Tarlac, Zambales, Isabela, Quirino, at Nueva Vizcaya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.