De Lima maghahain ng mosyon sa pagbasura ng natitirang drug case
Nakatakdang maghain ng mosyon si dating Senator Leila de Lima para mabasura na ng korte ang kinahaharap na huling drug case.
Kanina ay dumalo pa sa paglilitis si de Lima sa Muntinlupa Regional Trial Court (RTC) Branch 206.
Huling nagkaroon ng pagdinig sa kaso noon pang Pebrero 2017.
Kasong conspiracy to commit illegal drug trading ang kinahaharap ni de Lima at kapwa akusado niya sina Bureau of Corrections (BuCor) Chief Franklin Jesus Bucayu, Ronnie Dayan, Joenel Sanchez at Jose Adrian Dera.
Ayon kay Atty. Boni Tacardon, abogado de Lima, plano nila na maghain ng demurrer to evidence para mabasura na ang kaso.
Una nang napawalang-sala si de Lima noong 2021 at 2023 sa illegal drug trading sa loob ng pambansang piitan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.