Higit 1M nagparehistro para makaboto sa 2025 polls – Comelec

By: Jan Escosio - 9 months ago

Higit isang milyon na ang nagsumite ng voter’s registration form para makaboto sa 2025 local and national elections. (FILE PHOTO)

Lagpas isang milyon na ang nakilahok sa voter’s registraion para sa 2025 midterm elections, ayon sa Commission on Elections (Comelec).

Ibinahagi ng Comelec na 1,027,572 ang nagsumite ng kanilang aplikasyon upang maging rehistradong botante.

Ang bilang ay mula noong Pebrero 12 hanggang nitong Marso 6.

Pinakamarami nang nagsumite ng aplikasyon sa Calabarzon na may 187,372, kasuno sa Metro Manila na nakapagtala ng 156,990; Central Luzon may 111,681; Central Visayas may 79,552; at Davao Region na may 63,998.

Tinataya ng Comelec na may tatlong milyon ang magpaparehistro hanggang sa Setyembre 30.