Online appearance ni Quiboloy sa Senate hearing ikinukunsidera
Pinag-aaralan ang posibilidad na payagan si Kingdom of Jesus Christ (KOJC) founder Pastor Apollo Quiboloy na maging “online” na lamang ang pagharap sa pagdinig ng Senado sa mga alegasyon ng pang-aabuso laban sa kanya.
Ibinahagi ito ni Deputy Majority Leader JV Ejercito at nagkaroon na ng paunang pag-uusap sina ni Sen. Risa Hontiveros, ang namumuno sa nag-iimbestigang Senate Committee on Women and Children.
Ang “online appearance” ni Quiboloy, dagdag pa ni Ejercito ay suhestiyon ni Sen. Nancy Binay.
Sinabi pa ng senador na bukas si Hontiveros sa suhestiyon at ang kanyang kondisyon ay kilalanin ni Quiboloy ang pinamumunuan niyang komite.
Paliwanag ni Ejercito, isinalang-alang ang kaligtasan ng mga tauhan ng Office of the Senate Sergeant-at-Arms na magsisilbi ng arrest warrant kay Quiboloy sa Davao City.
Naniniwala si Ejercito na makakabuti na rin para kay Quiboloy na sagutin ang mga alegasyon sa kabila nang napipintong pagsasampa ng Department of Justice (DOJ) ng mga kaso laban sa kanya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.