February inflation rate posibleng tumaas – Bangko Sentral
Maaring tumaas muli ang inflation noong nakaraang buwan dahil sa pagtaas ng presyo ng mga pagkain, ayon sa Bangko Sentral ng Pilipinas (BSP).
Maaring nasa pagitan ng 2.8 hanggang 3.6 percent ang February inflation dahil sa pagtaas ng presyo ng bigas, karne at isda.
Dagdag pa ng BSP, maaring makapag-ambag din ang mataas na presyo ng kuryente at mga produktong-petrolyo.
Base sa mga datos mula sa Philippine Statistics Authority (PSA), ang presyo ng mga karne ay tumaas ng 0.7 porsiyento, samantalang ang mga isda naman ay nagtala ng 1.2 porsiyentong pagtaas sa presyo.
Noong Enero, nakapagtala ng 2.8% inflation mula sa 3.9% noong Disyembre.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.