Nakatakdang isailalim sa inquest proceedings sa Manila City Prosecutor’s Office si PO1 Vincent Paul Solaris, ang pulis na nagwala at nagpaputok ng baril sa loob ng Manila Police District Headquarters sa U.N. Ave., Maynila.
Reklamong malicious mischief, alarm and scandal at illegal discharge of firearms ang kakaharapin ng nasabing pulis na nakatalaga sa Station 11 (Binondo) ng Manila Police District (MPD).
Nagpalipas ng magdamag sa detention cell ng MPD ang nasabing pulis at hanggang ngayong umaga ay balisa pa rin ito.
Nag-dirty finger pa si Solaris nang makakita ito ng camera at hindi na rin nakakakilala ng kaniyang mga kasamahang pulis.
Ayon sa ilang mga pulis na nakasama ni Solaris, mabait at wala itong bisyo kaya posibleng matinding problema ang dahilan kung bakit nawala ito sa katinuan.
Kahapon, pumasok ng MPD headquarters ang pulis at pinagsisira ang mga larawan na nasa entrada ng MPD building at nagpapaputok pa ng baril.
Ang nasabing tension ay nagresulta ng lockdown sa MPD headquarters.
Naaresto naman si Solaris makalipas ang ilang oras ng mga tauhan ng SWAT ng MPD.
LOOK: Pulis Maynila na nagwala at namaril sa loob ng Manila Police HQ praning pa rin @dzIQ990 pic.twitter.com/KCEyU4mWyE
— Erwin Aguilon (@erwinaguilonINQ) July 3, 2016
BREAKING: Cop making scene inside MPD hq; shoots fellow cop pic.twitter.com/5h1jDzRupb
— Aie Balagtas See (@AieBalagtasSee) July 3, 2016
Inside MPD: Stand off/ shoot out video 2 pic.twitter.com/t6XeihTt31
— Aie Balagtas See (@AieBalagtasSee) July 3, 2016
WATCH: PO1 Vincent Solares subdued, arrested, to be charged w/ alarm&scandal, indiscriminate firing pic.twitter.com/55mqbV87oM
— Aie Balagtas See (@AieBalagtasSee) July 3, 2016