Economic Cha-cha House version may hearing na agad bukas
Binuo ng mga kongresista ang Kamara bilang Committee of the Whole para sa deliberasyon sa inihain na Resolution of Both Houses No. 7.
Nang walang tumutol sa mosyon ni Iloilo 1st District Rep. Janette Garin sa sesyon, itinakda na nito ang unang pagdinig bukas sa ganap na ala-1 ng hapon.
Ang resolusyon ay kopya ng buo sa Resolution of Both Houses No. 6 ng Senado at ito ay natalakay na sa tatlong pagdinig ng Subcomittee on Constitutional Amendments na pinangungunahan ni Sen. Sonny Angara.
Sa resolusyon ng Kamara, may mga panukalang pag-amyenda sa Articles XII, XIV at XVI ng 1987 Constitution para maalis ang “restrictive economic provisions.”
Naitalaga si House Speaker Martin Romualdez bilang committee chairman at senior vice chairman si Majority Leader Mannix Dalipe, samantalang vice chairpersons naman sina Senior Deputy Speaker Aurelio “Dong” Gonzales Jr., at Deputy Speaker David Jay-jay Suarez.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.