2024 oil price hikes tinapos ng katiting na price rollback

Bukas ay matutuldukan na ang limang linggo na pagtaas ng presyo ng mga produktong-petrolyo.

Sa magkakahiwalay na abiso, magpapatupad ang mga kompaniya ng langis na bawas-presyo sa gasolina, diesel at kerosene.

Matatapyasan ng P0.10 ang halaga ng kada litro ng diesel, P0.60 naman sa gasolina at P0.40 sa kerosene.

Magugunita na na sa pagpasok ng 2024, nadagdagan na ng P5 ang presyo ng kada litro ng gasolina, P3.40 naman sa diesel at P2.25 sa kerosene.

Ang paggalaw sa mga presyo ay bunga ng naging halaga ng langis sa pandaigdigang pamilihan.