Coast Guard pinalakas pa ang depensa sa website kasunod ng cyber attack
Naglatag ang Philippine Coast Guard (PCG) ng karagdagang cybersecurity measures para sa kanilang website kasunod ng naranasang cyber attack kamakailan.
Kasabay nito ipinag-utos ni PCG Commandant, Adm. Ronnie Gil Gavan ang pag-iimbestiga sa insidente kasunod na rin ng abiso mula sa Department of Information and Communications Technology (DICT) sa website ng National Coast Watch System.
Inanunsiyo ng DICT na napigilan nila ang pag-atake sa kanilang website, bukod pa sa website ni Pangulong Marcos Jr., at Overseas Workers Welfare Administration (OWWA).
Sa paunang impormasyon, ayon sa DICT, na base sa internet protocol (IP) address ang pag-atake ay nagmula sa China Unicorn, isang telecommunication company na pag-aari ng gobyerno ng China.
Hindi naman kinumpirma kung ang pag-atake ay may kinalaman sa agawan ng bahagi ng West Philippine Sea (WPS) sa pagitan ng Pilipinas at China.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.