Poe sinabing nakakabahala ang pag-atake sa gov’t websites, emails

Naalarma si Senator Grace Poe sa panibagong mga pagtatangka ng cyber criminals sa ilang websites ng gobyerno.

Patunay lamang, sabi ni Poe, na nagpapatuloy at tumindi pa ang cyber attacks.

Mabuti na lamang aniya at agad nakakilos ang Department of Information and Communications Technology (DICT) ang pagtatangka.

Kayat aniya dapat ay pinagtitibay pa ng mga ahensiya ang kanilang proteksyon laban sa cyber attacks dahil banta ito sa kanilang seguridad.

Higit dito ay dapat protektahan ang datos ng mamamayan na ipinagkatiwala sa mga ahensiya.

Ibinahagi ng DICT na naagapan nila ang pagtatangkang pag-hack sa website at email addresses ng ilang ahensya ng gobyerno ng mga umano’y China-based cybercriminals.