Matapos ang 2 pagsabog, mga Pinoy sa Baghdad pinag-iingat

Pinayuhan ng Philippine Embassy ang mga Pilipino sa Iraq na manatiling vigilante o mapagmatyag, kasunod ng dalawang kaso ng pambobomba sa Baghdad.

Sa isang statement, sinabi ni Iraq Charge D’ Affaires Elmer Cato na kailangang maging maingat ang mga Pilipino dahil posible ang mga bagong pag-atake lalo’t patapos na ang Ramadan.

Ayon kay Cato, hindi lamang sa Baghdad maaaring magkaroon ng mga pag-atake kundi sa iba pang parte ng Iraq, kaya mainam aniyang i-restrict iwasan muna ng mga kababayan sa Iraq ang pagpunta sa mga pampublikong lugar.

Hinimok naman ni Cato ang mga Pilipino na makipag-ugnayan sa embahada.

Batay sa ulat, ilang dosenang indibidwal ang nasawi at nasugatan sa twin bombing sa Baghdad, na inaako ng Islamic State.