Bagong funeral chapels sa Las Piñas Public Crematorium and Columbarium bukas na
Pinasinayaan ng pamahalaang-lungsod ng Las Piñas ang pagbubukas sa mga bago funeral chapels sa kanilang Public Crematorium at Columbarium.
Pinangunahan nina Mayor Imelda Aguilar at Vice Mayor April Aguilar ang pagpapasinaya sa 11 bagong funeral chapels sa Barangay Ilaya kahapon.
Ayon kay Mayor Aguilar ang bagong funeral chapels ay bahagi pagpapalawak ng mahahalagang serbisyo ng lokal na pamahalaan para sa mga residente lalo na sa mga nangangailangan at salat sa buhay.
Dagdag pa niya, ang columbarium ay may kabuuang 3,500 nitso na kayang i-accommodate ang 14,000 urns.
Pagbabahagi pa ng opisyal, ang mga bagong burulan ay sadyang ginawang “friendly” sa persons with disabilities (PWDs) sa pamamagitan ng paglalagay ng rampa sa likod para sa mas madaling access.
Nakapag-cremate na ng 1,200 na mga labi sa columbarium gamit ang dalawang makina, na may kakayahan na mag-cremate ng tig-apat na bangkay bawat araw.
Inalala din ni Mayor Aguilar ang namayapang asawa, si dating Mayor Vergel “Nene” Aguilar sa paglulunsad nito ng proyektong “Libreng Libing” para maibsan ang hirap ng mga maralitang residente ng lungsod.
Idinagdag pa ni Aguilar na ang “libreng Libing” program ay kabilang sa paggamit ng libreng isa sa 11 bagong chapels sa columbarium sa loob ng tatlong araw at dalawang gabi na pananatili para sa burol ng namayapa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.