Price rollback sa gasolina at kerosene, nakaamba ngayong linggo

May aasahang rollback sa presyo ng ilang produktong petrolyo anumang araw ngayong linggo.

Ayon sa sources mula sa oil industry, nasa 50 hanggang 65 centavos ang bawas-presyo sa kada litro ng gasolina.

10 hanggang 20 centavos naman ang kaltas sa bawat litro ng kerosene.

Gayunman, walang rollback sa presyo ng diesel.

Noong July 01, nauna nang nagpatupad ng rollback sa liquefied petroleum gas o LPG ang Petron.

P2.70 ang bawas sa kada kilo ng Gasul at Fiesta Gas, samantalang P1.50 naman ang bawas sa kada litro ng XTend Auto-LPG.