Pinakamababang temperatura sa Metro Manila kaninang umaga
Bumaba sa 20.1 degrees celsius (°C) ang lamig ng hangin kaninang umaga at ito na ang pinakamalamig ngayon taon, ayon sa Philippine Atmospheric, Geophysical and Astronomical Services Administration (PAGASA)
Naitala ang naturang temperatura ala-5 sa Science Garden sa Quezon Cityat mas malamig ito sa naitalang 20.2°C noong nakaraang Enero 14.
Noong Enero 17 naman naitala ang pinakamalamig sa Baguio City sa 12.4°C.
Ang iba pang lugar na nakaranas ng mababang temperatura ay sa Basco, Batanes (17.4°C); Casiguran, Aurora (18°C); Tanay, Rizal (18.1°C); Abucay, Bataan (18.6°C); Laoag City, Ilocos Norte (19.2°C); Tuguegarao City, Cagayan (19.6°C); Clark, Pampanga (19.9°C); at Mulanay, Quezon (20°C).
Ayon kay PAGASA weather specialist Benison Estareja ang mababang temperatura ay dulot ng bugso ng amihan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.