Mga nakayapak na deboto ng Nazareno puwede sa LRT – 2

Papayagan na makasakay sa LRT Line 2 ang mga deboto ng Itim na Nazareno na makikibahagi sa Traslacion bukas.

Inaasahan na humigit-kumulang na dalawang milyong deboto ang sasama sa prusisyon ng Black Nazarene at marami sa kanila ang sasakay ng LRT 2.

Mananatili naman ang normal operating hours ng LRT 2 kasabay ng Traslacion, na magsisimula ng ala-6 ng umaga.

Noong Enero 4, dinala ang imahen ng Itim na Nazareno sa Line 2 depot sa Pasig City.

Nag-alay ng panalangin ang mga kawani ng Light Rail Transit Authority (LRTA) sa isinagawang pahalik o pagbibigay-pugay sa Mahal na Poong Nazareno.