Kabuuang 129,030,158 pasahero ang sumakay sa MRT-3 noong nakaraang taon.
Ito ang ibinhagi ni MRT-3 officer-in-charge at Transportation Asec. Jorjette Aquino at aniya ang bilang ay 30 porsiyento na mas mataas kumpara sa naitala noong 2022.
Aniya ang pagdami nang tumatangkilik sa MRT 3 ay dahil sa mga positibong pagbabago sa kanilang linya, epektibong maintenance program, at ang pagbabalik ng on-site work matapos ang pandemya dulot ng COVID 19.
“The MRT-3 served as a reliable partner for more commuters who returned to on-site work in 2023 and needed a fast and dependable mode of transport. The continued effective maintenance and upkeep of the MRT-3’s rehabilitated subsystems contributed to the improved reliability and efficiency of the rail line,” sabi pa ni Aquino.
Noong nakaraang taon, 357,198 ang sumasakay sa MRT 3 kada araw mula sa 273,141 noong 2022 at 127,276 noong 2021.
Naitala naman noong nakaraang Agosto 22 ang “highest single-day ridership” na umabot sa 450,298 pasahero.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.