DFA: Walang namatay na Pinoy sa Japan power quake
SINABI ng Department of Foreign Affairs (DFA) na walang ulat na may Filipino na kabilang sa mga nasawi sa malakas na lindol na tumama sa Japan noong unang araw ng bagong taon.
Ayon kay Foreign Affairs Usec. Eduardo de Vega wala pa ring ipinararating na ulat sa kagawaran ukol sa Filipino na labis na naapektuhan ng 7,5 magnitude earthquake na tumama sa Ishikawa prefecture.
Nabatid na may 1,300 Filipino sa nabanggit na lugar.
Ayon naman kay Overseas Workers Welfare Administration (OWWA) Administrator Arnell Ignacio may 159 Filipino ang lumikas sa Minamigawa Elementary School at kahapon ng hapon, 157 sa kanila ang nakauwi na.
Sa mga ulat, halos 50 ang kumpirmadong nasawi sa pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.