Pangulong Duterte at VP Leni Robredo, nagkaharap sa unang pagkakataon matapos manumpa
Nagkaharap sa unang pagkakataon si Pangulong Rodrigo Duterte at VP Leni Robredo matapos manumpa kahapon bilang Pangulo at Pangalawang Pangulo ng Pilipinas.
Sa isinagawang change of command ceremony sa Camp Aguinaldo, pabiro na binati ni Pangulong Duterte si VP Leni sa pagsasabing mas gusto sana niya na katabi ang pangalawang pangulo pero katabi nito si former Chief of Staff Pong Biazon.
Ginawaran si Pangulong Duterte ng full military honor kasabay ng change of command ceremony para kina OIC Acting AFP Chief of Staff Lt Gen Glorioso Miranda at ngayon ay AFP COS Lt Gen Ricardo Visaya.
Samantalang naimbitahan naman si VP Leni sa okasyon.
Nauna ng dumalo sa change of command ceremony si Pangulong Duterte sa Kampo Crame at kaagad nagsagawa ng command conference kasama ang bagong hepe ng pambansang pulisya na si Police Director General Ronald Bato dela Rosa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.