Dagdag-bawas sa presyo ng mga produktong-petrolyo

Magkaiba ang magiging paggalaw bukas, Disyembre 5, sa presyo ng gasolina at krudo o diesel.

Sa mga abiso ng mga kompaniya ng langis, madadagdagan ng P0.30 ang presyo ng kada litro ng gasolina, samantalang katulad na halaga naman ang mabababawas sa diesel.

Samantala, walang magiging pagbabago sa presyo ng kerosene.

Una nang nag-anunsiyo ng “price adjustments” ang Shell, Seaoil, Cleanfuel at PetroGazz. Inaasahan naman na susunod sa hakbang ang iba pang kompaniya ng langis.

Noong nakaraang linggo, uamngat ng P0.30 ang presyo ng kada litro ng diesel, hindi nagbago ang presyo ng gasolina, samantalang P0.65 naman ang nadagdag sa presyo ng kada litro ng kerosene.