Inanunsiyo ng Government Service Insurance System (GSIS) na sa darating na Disyembre 6 ang simula nang pagpapalabas ng Christmas cash gifts sa kanilang old-age at disability pensioners.
Nabatid na aabot sa P3.47 bilyon ang kabuuang halaga at halos 300,000 ang benepisaryo.
Ang halaga ng “cash gift” ay katumbas ng isang buwan na pensyon ngunit hindi ito lalagpas sa P10,o00.
Ang mga kuwalipikado ay ang mga tumatanggap ng regular na buwanang pensyon at napatunayang buhay hanggang noong nakaraang Nobyembre 30.
Hindi naman makakatanggap ng “cash gift” ang survivorship pensioners, dependent pensioners, pensioners alinsunod sa RA 7699 (Portability Law), gayundin ang mga tumatanggap ng pro-rata pension.
Maging ang mga bagong pensionee mula 2019 hanggang 2023 na nakatanggap ng immediate pension at 18 month cash payment sa ilalim nanan ng RA 8291 at tatanggap sila nito limang taon makalipas ang petsa ng kanilang pagreretiro.