Mainit na sasalubungin ng kaniyang mga kapitbahay si Pangulong Benigno Aquino III mamaya sa kaniyang pagbabalik sa pribadong buhay.
Mula pa kagabi, balot na ng kulay dilaw na mga banderitas, ribon at tela ang kahabaan ng Times St. sa Quezon City.
Ang mga bahay sa paligid ng tahanan ng pamilya Aquino, nahsabit ng kulay dilaw ma ribbon sa kanilang mga gate at pintuan.
Ang mga mga puno at halaman tinalian din ng yellow ribbon. Maaga ring itinayo ang entablado sa Times St. na gagamitin mamaya para sa idaraos na programa. Sarado na rin ang Times St. mula sa bahahi ng West 6th at hindi na pinapadaanan sa mga motorista.
May mga itinalaga na ring mga pulis ng NCRPO at may mga metro aide na namementena ng kalinisan.
Inaasahang sa pagitan ng alas 12:30 hanggang ala 1:00 ng hapon darating ng Times St. si Pangulong Aquino bilang isang ordinaryong indibidwal na matapos ang kaniyang anim na taon na panunungkulan bilang presidente ng bansa.
