Gusot sa WPS kasama sa prayoridad sa unang cabinet meeting ng Duterte administration
Inaasahang pag-uusapan sa unang cabinet meeting mamaya ng Duterte administration ang magiging paghahanda ng Pilipinas kaugnays a July 12 decision ng permanent Court of Arbitration sa The Hague.
Sinabi ni incoming Foreign Affairs Sec. Perfecto Yasay na magiging krusyal ang desisyon dahil ito ang pagbabatayan ng mga susunod na hakbang ng pamahalaan kaugnay sa agawan ng mga isla sa West Philippine Sea.
Umaasa rin si Yasay na magiging maayos ang pagtanggap ng China sa magiging desisyon dahil alam naman nila na bukas ang Duterte administration kahit na sa tinatawag na bilateral talk.
Nauna na kasing sinabi ng China na hindi nila tatanggapin ang desisyon ng hukuman dahil hindi naman sila nakiisa sa deliberasyon ng kaso mula pa sa simula.
Noong January 2013 ay nagsampa ng reklamo ang Pilipinas laban sa China.
Ang Permanent Court of Arbitration ay binubuo nina Judge Thomas Mersah ng Ghana bilang Pangulo, kasama sa mga miyembro sina Judges Jean-Pierre Cot ng France, Judge Stanislaw Pawlak ng Polland, Alfred Soons ng Netherlands, at Rudgier Wolfman ng Germany.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.