Pinamamadali ni Pangulong Ferdinand “Bongbong” Marcos Jr. sa Department of Human Settlement and Urban Development at National Housing Authority ang pagpapatayo ng pabahay at pamamahagi ng titulo ng lupa sa mga bepepisyaryo ng Bagyong Yolanda sa Visayas region.
Sa talumpati ni Pangulong Marcos saa paggunita sa ika-10 anibersaryo ng Bagyong Yolanda sa Tacloban City, sinabi nito na dapat na hindi kasi nakapasa sa pamantayan ang mga pabahay na ipinagawa noon.
Ipinag-utos din ni Pangulong Marcos sa lahat ng ahensiya ng pamahalaan na isama na palagi sa anumang programa, at pagdi desisyon ang aspeto ng climate change dahil hindi na aniya ito maiiwasan.
Sabi ni Pangulong Marcos, bagama’t 10 taon na ang nakalilipas mula nang mangyari ang trahedya, marami pa ang kailangan na gawin.
Kinilala din ni Pangulong Marcos ang mga hakbang ng lokal na pamahalaan ng Tacloban City at iba local gobernment units maging ang non-government organziations sa pagtulong sa emergency evacuation plans pati na sa rehabilitasyon.
Mahalaga aniyang ipagpatuloy lamang ng pamahalaan ang pagpapatupad ng mga hakbang at programang makatutulong para magkaroon ng mas matatag na mga komunidad laban sa climate change.
“Let us continue to work hard so that we can provide them with the tools and the resources to rebuild their lives,” pahayag ni Pangulong Marcos.
“Your endeavors to establish emergency evacuation SOPs and emergency response teams are noteworthy and serve as examples for other local governments around the country. Equally important is your collective action to protect and rehabilitate your communities through reforestation, river embankment and stabilization, and other environmental conservation programs,” dagdag ni Pangulong Marcos.