Usec Taduran lumipat na sa team ni Sec. Estrella ng DAR
Gaya ng inaasahan, lumipat na si Undersecretary Rowena Nina O. Taduran sa Department of Agrarian Reform (DAR) matapos nitong tanggapin ang alok ni Secretary Conrado Estrella III na maging Undersecretary for Support Services Office (SSO).
Si Taduran ay dating mambabatas at pormal na nanumpa noong 11 Oct. kay Executive Secretary Lucas P. Bersamin sa Malakanyang kung saan sinamahan siya ni Estrella kabilang ang iba pang presidential appointees.
Ang dating broadcaster at co-host ng ngayon ay Senador Raffy Tulfo sa tanyag na radio/TV show “Wanted sa Radyo” ay pormal na ipinakilala sa mga opisyal at kawani ng Department Agrarian Reform ni Sec. Estrella sa ginanap na regular Monday flag raising noong 16 Oct.
Kaugnay nito, iginiit ni Taduran ang commitment ng kanyang tanggapan, na isa sa tatlong haligi ng ahensya para sa pagtalima sa tinatawag na nine (9) land reform priorities ni Estrella.
Kabilang dito ang intervention on land tenure problems; agrarian justice delivery; intervention for support services; intervention for medical expenses; intervention for medical; intervention for technical skills; intervention for farm-to-market roads; intervention for diversified income sources; and intervention for irrigation.
Sa naturang flag raising, binalaan ni Estrella ang mga tiwaling opisyal at empleyado na magdalawang isip ang mga ito sa kanilang mga balaking dungisan ang kanyang pangalan at ang ahensya.
Siniguro naman ni Taduran na tutulong sya sa Kalihim sa paglilinis sa ahensya gayundin ang pagtiyak sa pagkakaloob ng pantay-pantay na serbisyo at proteksyon sa hanay ng mga tinaguriang agrarian reform beneficiaries.
Samantala, ipinaliwanag ni Taduran na nauna syang inalok ni Estrella na maging bahagi ng kanyang team nang maitalaga ito sa DAR noong June 2022.
Gayunman, personal na pinili ni dating DSWD Secretary at ngayon ay party-list representative Erwin Tulfo si Taduran na maging bahagi ng kanyang grupo.
Kahalintulad rin na pahayag ang binitiwan ni Estrella sa ginanap na DAR flag raising kamakailan.
Bago maitalaga sa DAR at DSWD, si Taduran ay miyembro ng 18th Congress ng House of Representatives kung saan nya nakasama si Estrella. Hinirang siya bilang Assistant House Majority Leader at Vice Chair ng House Special Committee on Globalization and WTO.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.