Tinalo ng Kazakhstan ang Thailand sa ikalawang round ng botohan para mapabilang sa United Nations Security Council.
Makakasama ng Kazakhstan ang mga bansang Sweden, Ethiopia at Bolivia para sa dalawang taong termino na magsisimula sa January 1, 2017.
Sa 193 na miyembro ng UN General Assembly, 138 sa kanila ang bumoto para sa Kazakhstan.
Kailangan kasing makakuha ng two-thirds na boto upang maipanalo ang posisyon.
Nakatakda namang magkaroon ng ikatlong round ang botohan para naman sa huling natitirang posisyon sa konseho na paglalabanan ng Italy at Netherlands.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.