Belmonte: Pagdedma ni Duterte kay Robredo hindi dapat gawing isyu
Umapela sa publiko si outgoing House Speaker Feliciano Belmonte Jr. na huwag intrigahin ang mistulang pagdedma ni President-elect Rodrigo Duterte kay incoming Vice President Leni Robredo.
Payo ni Belmonte sa lahat, bigyan muna ng ‘chance’ ang dalawang bagong mataas na lider na bansa lalo’t mag-uumpisa pa lamang sila sa trabaho.
Naniniwala si Belmonte na darating ang panahon na maghaharap at magkakausap sina Duterte at Robredo.
Dagdag ni Belmonte, mismong si Robredo naman ang nagtiyak na isang daang porsyento niyang susuportahan si Duterte mula pa noong nang maproklama siya bilang pangalawang pangulo.
Inamin naman ng opisyal na kung hindi magkakasundo ang pangulo at ikalawang pangulo ay walang ibang talunan kundi ang taumbayan.
Samantala, kinumpirma ni Belmonte na bilang lider pa rin ng Kamara, mas prayoridad niyang dumalo sa inagurasyon ni Duterte sa June 30, kumpara sa inagurasyon ng kaalyadong si Robredo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.