TESDA, Top 1 pa rin sa approval at trust ratings – survey
By Jan Escosio October 10, 2023 - 04:38 PM
Napanatili ng Technical Education and Skills Development Authority (TESDA) ang pangunguna sa mga ahensiya ng gobyerno na may pinakamataas na approval at trust rating.
Base sa 3rd Quarter PAHAYAG survey ng PUBLiCUS Asia, 75% ang nakuhang approval rating ng TESDA, mas mataas pa sa naunang nakuhang 72%.
Sinundan ang TESDA ng Armed Forces of the Phils. (AFP) at Department of Science and Technology (DOST) na kapwa nakakuha ng 67%.
Samantala, umangat pa sa 61% ang trust rating ng TESDA mula sa 58% noong 2nd Quarter survey.
Bunga nito, pinasalamatan ni TESDA Dir. Gen. Suharto Manngudadatu ang sambayanan sa patuloy na pagtitiwala sa kanila at pagkilala sa kanilang mga programa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.
