Dating Labor official itinalaga sa DMW

Si Victor A. del Rosario ang bagong executive director ng National Maritime Polytechnic (NMP) na nasa ilalim ng Department of Migrant Workers (DMW).

Si del Rosario ay nagsilbing assistant secretary, undersecretary at regional director ng Department of Labor and Employment (DOLE) sa nakalipas na administrasyong-Duterte.

Bukod dito nagsilbi din siyang youth commissioner, president at Chief Executive Officer ng isang government corporation sa nagdaang-administrasyon.

Ang NMP ang nag-iisang maritime training at research institute ng gobyerno.

Ang main training campus nito ay nasa Tacloban City sa Leyte.

Nanumpa si del Rosario kay acting Migrant Workers Sec. Hans Leo Cacdac at nasaksihan ng mga matatataas na opisyal ng kagawaran.