Mga kumpanya ng langis nag-anunsyo na ng dagdag-presyo bukas
Nag-anunsyo na ipatutupad nilang dagdag-presyo bukas ang ilang kumpanya ng langis.
Sa abiso ng kumpanyang Flying V, epektibo alas 12:01 ng madaling araw bukas, June 28, ipatutupad nila ang dagdag na 75 centavos sa kada litro ng gasolina at 40 centavos naman sa kada litro ng diesel.
Mas mababa naman ang halaga ng dagdag presyo ng Eastern Petroleum sa kanilang gasolina.
Ayon sa Eastern Petroleum at Pheonix Petroleum, epektibo alas 6:00 ng umaga bukas, dagdag na 65 centavos ang ipatutupad nilang dagdag sa kada litro ng gasolina at parehong 40 centavos ang dagdag sa kada litro ng diesel.
Pareho din ang price adjustment ng kumpanyang Shell sa kanilang gasolina at diesel, at magdaragdag din ito ng 35 centavos sa kada litro ng kerosene.
Ang dagdag-presyo ay epekto pa rin ng paggalaw ng halaga ng langis sa pandaigdigang pamilihan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.