Personal na binabantayan ni Pangulong Ferdinand “Bongbong” Marcos Jr. ang implementasyon ng National ID program.
Sa pulong balitaan sa Malakanyang, sinabi ni National Economic and Development Authority (NEDA) Sec. Arsenio Balisacan na nais ni Pangulong Marcos na gawing centralized ang National digital ID system sa lahat ng tanggapan ng pamahalaan.
“No less than the President has been monitoring closely the completion of this project. There has been some delays but…the problems are being addressed,” pahayag ni Balisacan.
Pinayagan na aniya ngayon ng gobyerno ang provision sa digital ID bago ang distribusyon ng physical IDs na pangungunahan ng Department of Information and Communications Technology (DICT).
Sa halip kasi aniya na gawing digital ID, sinabi ni Balisacan na gagawin na lamang ito na second priority.
“But now, that has changed. We realized that we should first make those digital IDs so that anyone who has a phone can already use the digital ID and that is now the primary responsibility of the DICT,” pahayag ni Balisacan.
Nangangahalahati na aniya ang gobyerno sa pag-imprenta ng physical IDs at target na maipamahagi bago matapos ang taon.
Sa ayuda o transfer income support gaya ng food stamp program ng Department of Social Welfare and Development, sinabi ni Balisacan na digital card ang gagamitin.
“So, each one of us will have a unique ID, unique number and you can no longer tamper with that. So, wala na iyong nagdudoble iyong benefits na nari-receive or ghost beneficiary or mga ganoong klaseng issues,” pahayag ni Balisacan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.