Natagpuan sa bayan ng Bongabong sa Oriental Mindoro ang hindi pa nakikilalang bangkay ng dalawang lalaki at isang babae, Biyernes ng umaga.
Ayon kay Senior Supt. Lawrence Panganiban na acting chief ng Bongabong police, pinara ng ilang mga bata ang sasakyan ni Vice Mayor Richard Candelario dakong alas-8:00 ng umaga para ituro ang nakita nilang duguang bangkay ng tatlong tao sa Sitio Kilometer 7, Brgy. San Juan.
Agad naman itong itinawag ni Candelaria sa mga pulis.
Nang makita ng mga imbestigador ang mga bangkay, nakitaan ang mga ito ng tama ng bala sa kanilang mga ulo na malamang na sanhi ng kanilang pagkamatay.
Dinala sa punerarya sa Bongabong ang mga bangkay para isailalim sa autopsy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.