Pinalayang Pinay kidnap victim, dinala sa Davao City
Dinala kay Davao City Mayor Rodrigo Duterte ang pinalayang kidnap victim na si Marites Flor.
Matapos ang pagpapalaya kay Flor kaninang madaling araw sa Sulu, ay dinala ito sa bahay ni Sulu Gov. Abdusakur Tan, bago nai-turnover sa mga tauhan ng Joint Task Force Sulu.
Ayon kay Maj. Filemon Tan, tagapagsalita ng Armed Forces of the Philippines Western Mindanao Command (WesMinCom), isinailalim sa medical check-up si Flor.
Matapos ito ay sinundo ni incoming Presidential Adviser on the Peace Process Jesus Dureza si Flor sa Sulu at inihatid sa Davao City, kung saan makikipagkita ito kay President-elect Rodrigo Duterte.
Matatandaang dinukot Flor at tatlong mga kasamang mga foreigner noong Setyembre 27, 2015 ng grupong Abu Sayyaf.
Kasamang dinukot sina Robert Hall at John Ridsdel (kapwa Canadian) at isang Norwegian na si Kjartan Sekkingstad.
Pinugutan na ng ulo kamakailan ang dalawang Canadian matapos mapaso ang deadline para sa hiniling ransom ng Abu Sayyaf.
Nananatili pa ring hawak ng mga bandido si Sekkingstad.
Earlier: ASG hostage Marites Flor (in stripes) in Sulu (contributed video). She is now in Davao. pic.twitter.com/hII6AdAfM1
— Frances Mangosing (@FMangosingINQ) June 24, 2016
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.