Imbestigasyon sa kaso ni Jemboy Baltazar, matatapos sa 60 na araw
Tatapusin ng Philippine National Police ang imbestigasyon sa pagkamatay ng 17-anyos na binatilyo sa Navotas sa loob ng 60 araw.
Sa Laging Handa Public Briefing, sinabi ni PNP spokesman Colonel Jean Fajardo na mismong si PNP chief General Benjamin Acorda na ang nag-utos na tutukan ang kaso ni Jemboy Baltazar.
Napatay ng mga pulis si Baltazar matapos mapagkamalan na hinahabol na suspek.
Gumugulong na aniya ngayon ang special proceeding sa kaso.
Sabi ni Fajardo, nasampahan na ng kasong criminal at administratibo ang anim na pulis na sangkot sa pagkamatay ni Baltazar.
Nakakulong na rin aniya ang mga pulis kasama ang kanilang team leader.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.