Presyo ng school supplies, tumaas

 

Ngayong balik eskwela na ang mga estudyante, tumaas na ang presyo ng school supplies.

Sa Laging Handa Public Briefing, sinabi ni Trade and Industry Undersecretary Ruth Castelo na kabilang sa mga nagtaas ng presyo ang notebook, pad paper, krayola, erase, sharpener, ruler at iba pa.

Sabi ni Castelo, kung mayroon mang mga school supplies na hindi tumaas ang presyo, posibleng lumang stocks ang mga ito.

Ayon kay Castelo,  nasa average na P7.50 ang itinaas sa presyo ng school supplies habang ang pinaka mataas ay nasa P9.25.

Pinapayuhan ni Castelo ang mga mamimili na sa mga established na tindahan na lamang bumili ng mga gamit ng mga estudyante.

Paliwanag ni Castelo, sumusunod kasi sa suggested retail price ang mga malalaking tindahan.