Barilan sa Taguig City Police Station nag-ugat sa ulam na baboy

By Jan Escosio August 07, 2023 - 06:45 PM

Tatlong pulis ang malubhang nasugatan sa insidente ng badrilan sa loob ng kanilang opisina sa Taguig City kaninang tanghali.

Kinilala ang mga sangkot na pulis na sina Executive Master Sgt. Heriberto Saquiped, Chief Master Sgt. Alraquib Aguel at Cpl. Alison Sindac.

Nangyari ang insidente alas-11:30 sa loob ng Office of Community Affairs Section ng Taguig City Police Station.

Base sa paunang impormasyon, dumating si Aguel sa opisina at diumano nagkaroon sila ng mainitang pagtatalo ni Saquiped dahil sa sinigang na baboy ang ulam nila sa tanghalian.

Nabatid na Muslim si Aguel kayat hindi ito kumakain ng baboy.

Inawat naman sila ni Sindac at kasunod na nito ang sinasabing barilan na kinasasangkutan ng tatlo, na pawang isinugod sa Medical Center Taguig.

May ulat na binaril ni Aguel sina Saquiped at Sindac at siya naman ay nabaril ng isang Cpl. Jestoni Cenaron.

 

TAGS: baboy, muslim, Taguig City, baboy, muslim, Taguig City

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.