Itinalaga ni Pangulong Ferdinand “Bongbong” Marcos Jr. si dating Interior and Local Government Undersecretary Marius Corpus bilang bagong chairman ng Governance Commission for Government-Owned or Controlled Corporations.
Papalitan ni Corpus si GCG Chairman Alex Quiroz.
Bago naitalaga sa GCG, nagsilbing Justice ng Sandiganbayan si Quiroz.
Hulyo 2022 nang italaga ni Pangulong Marcos si Quiroz sa GCG.
Itinalaga rin ng Pangulo si Supreme Court spokesman Attorney Brian Keith Hosaka bilang Commissioner ng GCG.
Nanumpa na sa harap ni Exeucitve Secretary Lucas Bersamin sina Corpus at Hosaka sa Malakanyang kaninang umaga.
Si Hosaka ay naging tagapagsalita ng SC nina retired Chief Justice Lucas Bersamin, retired Chief Justice Diosdado Peralta, at Chief Justice Alexander Gesmundo.
Naging founding partner ng Paner Hosaka at Ypil Law Office si Hosaka.
Nagsilbi rin si Hosaka bilang deputy general counsel ng Integrated Bar of the Philippines.