Handa ang mga opisyal at mga tauhan ng PNP Anti-illegal Drugs Group (AIDG) sakaling bumuwelta sa kanila si Marine Lt. Col. Ferdinand Marcelino.
Ayon kay S/Supt Leonardo Suan, Chief of Staff ng AIDG, bahagi umano ng pagganap nila sa trabaho kung balikan sila at kasuhan ni Marcelino at ng iba pa nilang mga naipakulong dahil sa illegal drugs.
Kumpyansa naman si Suan na hindi sila pababayaan ng pamunuan ng PNP sa posibleng kasong isasampa laban sa kanila ni Marcelino.
Sa kabila nito, iginigiit pa rin ng opisyal na lehitimo naman ang kanilang naging operasyon kasama ang lead agency na Philippine Drug Enforcement Agency (PDEA) laban sa naturang Marine official.
Inaresto si Marcelino at Chinese national na si Yan Yi Shou sa isang shabu lab sa Sta Cruz Maynila ilang buwan na ang nakakaraan pero kamakailan ay pinayagan itong makapagpyansa ng korte hanggang sa tuluyan ng ibasura ng DOJ ang mga kaso ihinain ng PDEA laban sa kanila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.