Health Facility Plan ipinakakasa ni Pangulong Marcos Jr.

Kuala Lumpur, Malaysia – Inatasan ni Pangulong Marcos Jr. ang ibat ibang tanggapan ng pamahalaan pati na ang local government units (LGUs)  na ikasa ang health facility plan na naglalayong magtatag ng  medical facilities. Base sa Memorandum Circular No. 26 na nilagdaan ni Executive Sec. Lucas Bersamin, dapat na sumunod ang lahat sa  Philippine Health Facility Development Plan (PHFDP) 2020-2040. Saklaw nito ang lahat ng concerned agencies at instrumentalities ng  National Government  kasama na ang government-owned or -controlled corporations. Inaatasan din ang  Department of Health (DOH), sa pakikipagtulungan ng Department of the Interior and Local Government (DILG) na magpalaganap ng impormasyon kaugnay sa epektibong implementasyon ng  PHFDP.