Nawawalang preso ng Bilibid natagpuan sa poso negro
Natapos na ang ilang araw na paghahanap sa isang nawawalang person deprived of liberty (PDL) sa National Bilibid Prison (NBP) sa Muntinlupa City.
Base sa paunang impormasyon, sa poso negro sa Dormitory 8 Quadrant B sa Maximum Security Compound nakita ang biktimang si Michael Angelo Cataroja, 25.
Noon pang nakaraang buwan napa-ulat ang pagkawala ni Cataroja.
Sa naunang pahayag sinabi ni acting NBP Supt. Angelina Bautista na nasentensiyahan sa kasong paglabag sa Anti-Fencing Law si Cataroja at may nakabinbin pang kaso ng carnapping.
Samantala, iniimbestigahan na rin ang pag-aaway ng dalawang bilanggo at may siyam na napaulat na nasaktan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.