Pangulong Marcos Jr., sinabi ang dahilan sa pagpili sa susunod na AFP chief

Malakas na depensa at matalinong istratehiya sa gitna ng mga tensyong geopolitical.

Ito ang maging basehan ni Pangulong  Marcos Jr. sa pagpili kay Philippine Army Commanding General, Lt. Gen. Romeo Brawner para maging susunod na chief of staff ng Armed Forces of the Philippines. Ayon kay Pangulong Marcos, kailangan ang mga ganitong kuwalipikasyon ng isang opisyal na mamumuno sa Hukbong Samdatahang Pilipinas para matiyak na maayos ang depensa ng bansa. Papalitan ni Brawner si Gen. Andres Centino na inanunsiyo na rin  na magiging Presidential adviser on the West Philippine Sea. “Umaasa tayo sa kanilang karanasan at tapat na serbisyo upang protektahan ang mamamayang Pilipino at ipaglaban ang soberanya ng bansa,” pahayag ni Pangulong Marcos. Sa ilalim ng Republic Act 11709, may tatlong taong termino ang AFP chief of staff maliban na lamang kung tatanggalin ng Pangulo.