Blogger kulong sa bansag na “Palace lapdogs” sa 7 senador
By Jan Escosio July 14, 2023 - 04:38 PM
Guilty ang hatol ng isang korte sa Pasay City sa blogger na si Edward Angelo “Cocoy” Dayao sa reklamo sa kanya ng pitong dati at kasalukuyang senador.
Magugunita na noong 2017 tinawag ni Dayao sa kanyang “Silent No More PH” blog post na “Malacañang lapdogs” o tuta ng administrasyon si dating Senate President Vicente ‘Tito’ Sotto IiI.
Bunga nito inireklamo ang blogger ng cyber libel alinsunod sa Republic Act 10175 o Cybercrime Prevention Act of 2012 noong Hulyo 13, 2018.
Kasama din sa naturang bansag sina Sens. Aquilino “Koko” Pimentel III, Juan Miguel Zubiri at Cynthia Villar maging sina dating Sens. Manny Pacquiao, Gregorio Honasan, at Richard Gordon dahil sa hindi nila paglagda sa resolusyon na kumokondena sa pagkamatay ng ilang menir de edad sa war against drugs ng administrasyong-Duterte.
Sa desisyon ni Acting Presiding Judge Gina Bibat-Palamos, ng RTC Branch 111, pintawan si Dayao ng dalawa at kalahating taon hanggang apat na taon at limang buwang pagkabilanggo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.