Posisyon ng Chief PNP, mababakante bago pa man mag-June 30
Mababakante na ang puwesto ng Chief PNP sa susunod na isang linggo June 28, o dalawang araw bago ang opisyal na pag upo ng bagong PNP Chief sa June 30.
Kasunod ito ng pasiya ni outgoing PNP Chief, Dir. Gen. Ricardo Marquez na maagang magretiro eksaktong 2 buwan bago ang kanyang retirement date sa August 28.
Posible namang magsilbing OIC ng ilang araw si Chief of the Directorial Staff Deputy Dir. Gen. Francisco Uyami na number 4 man ng PNP sa gitna ng inaasahang pag-upo ni incoming PNP Chief Ronald dela Rosa sa susunod na buwan.
Samantala, ang number 3 man naman na si Deputy Chief for Operations Deputy Dir. Gen. Danilo Constantino ay mag-eearly retirement na rin sa darating na Biyernes, June 24.
Lalabas na ang no. 1 at number 2 post sa pambansang pulisya ay mababakante simula sa June 28 habang bakante na ang no. 3 post ngayong Biyernes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.