Unti-unti nang nagkakaroon ng progreso ang pag-uusap ng China at Pilipinas kaugnay sa pangingisda sa West Philippine Sea.
Ayon kay Pangulong Ferdinand “Bongbong” Marcos Jr. may maganda nang bunga ang magandang komunikasyon kay Chinese President Xi Jinping.
Ginawa ni Pangulong Marcos ang pahayag ilang araw matapos maiulat na binuntutan ng Chinese Navy vessel ang mga barko ng mga Filipinong mangingisda na nangisda sa Pag-asa Island.
“Iyong latest na report ay sinundan na lang, hindi na kagaya ng dati na hinaharang. So there’s a little progres there, kaya actually ang BFAR (Bureau of Fisheries and Aquatic Resources) may projection na lalaki ang huli kasi nabawasan nga, nabigyan pagkakataon ang ating mga fishermen. That is because we are continuing to talk to the Chnese government, to the President Xi in every way, ” pahayag ni Pangulong Marcos.
Sinabi ni Pangulong Marcos kay Xi na isantabi na muna ang arbitral ruling dahil mas mahalaga ang kapakanan ng mga mangingisda.
Matatandaang sa desisyon ng Permanent Court of Arbitration, sinabi nito na sa Pilipinas ang ilang lugar sa West Philippine Sea.
“Ang inuna ko talaga noong kami ay nagkita, ay sinabi ko unahin na lang natin ‘yong fiheries, huwag na nating pag-usapan ‘yong terirtoryo dahil hindi naman tayo makakapagdecide dito na nag-uusap tayo, unahin niyo ‘yong fisheries. Dahil sinsabi ko e wala namang kasalanan ‘yong tao, bakit natin paparusahan, ” pahayag ng Pangulo.
“We are making some progress in that regard. And also the coordination, kapag may fishing ban, may coordination na tayong ginagawa sa kanila, para hindi na lang bigla fishing ban na ngayon, makapagplano naman tayo. Kapag sasabihin may fishing ban in two months time, planuhin na natin. Ano gagawin ng mangingisda, so bigyan natin sila ng ibang livelihood or other source of income. That is slowly, slowly, these things do not come very quickly, slowly, slowly, but we are slowly making progress because the key to that is the improved communication between the Philippine government and the Chinese government, ” pahayag ni Pangulong Marcos.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.